Şölə Səfərəliyeva da "YOX" deyənlər sırasındadır.

Şölə Səfərəliyeva xeyriyyə aksiyasına qoşulacaq. İyun ayının sonlarında təşkil ediləcək tədbirə, Şölə ilə bərabər çox sayda tanınmış müğənninin də qatılacağı bildirilir. SimSar.Azın tədbir haqda yaydığı xəbəri sizə təqdim edirik.

22 İyun tarixində Bakının  gözəl istirahət məkanlarından olan “Club44&South club”da xeyriyyə məqsədilə tədbir keçiriləcək. 
Sənətçilərin xüsüsi hazırlığı ilə baş tutacaq tədbirdə əsas məqsəd müxtəlif aksiyalarla insanların maariflənməsi olacaq. 

 Xeyriyyə tədbirinə könüllü qoşulan sənətçilər arasında xalq artistləri Faiq Ağayev, Səməd Səmədov, əməkdar artistlər Tünzalə Ağayeva, Lalə Məmmədova, müğənnilər Elnarə Xəlilova, Nura Suri, Xatun, İntizar və “Flamenco” qrupu, Kərim, Gunay İbrahimli, Mirkamil Kamilov, Emil Bədəlov, Ülvi Rəşidov,  Zarina, Anar Bəylər, “Group Avantaj”, DJ China var. Qaya qrupunun solisti Şölə Səfərəliyeva da bu aksiyada iştirak edəcək.
Tədbirin aparıcıları Rəşad Kəsəmənli və Kəmalə Piriyeva olacaq. Tədbirdən yığılan maddi gəlir omba çıxığından əziyyət çəkən 8 yaşlı Aişə Əfəndiyevanın əməliyyatına xərclənəcək. 
Tədbirin təşkilatçıları Səbuhi Arif və Sa Sa Sondur. 
İnformasiya dəstəyi www.simsar.az , www.world.az və www.orxanabbasov.az saytlarına məxsusdur.

Posted in: Aksiyalar,Xəbərlər